Mona's Book Club

Mona's Book Club



02 Sep 11:00 - Damascus
Medical Training

Route

شو بنقصد بنادي القراءة او بنادي الكتب ؟ سؤال ممتاز..

بنسمع من الناس الكثير من التساؤلات عن أندية القراءة و كتار منا سبق و انضم لهالاندية او على الاقل شعر بالرغبة في الانضمام ، بس الاقلية بتعرف شو بتعنيه هالأندية حقيقة.

باختصار شديد (و رح نترك التفاصيل لنتجمع كلياتنا بهالايفنت) :

بالنسبة للأشخاص يللي بحبو مطالعة الكتب فحيوفر نادينا الكتير من التسلية.



نادي الكتب الخاص فينا او ممكن نسميه نادي القراءة حيكون عبارة عن مجموعات من أشخاص ممكن يكونو بيعرفو بعض بشكل جيد و ممكن لا.

الاعضاء بيختارو كتابً لحتى نقراه سوى خلال مدة زمنية محددة وهل العملية بتم كل شهر أو كل أسبوعين أو كل فصل حسب طول الكتاب.

المزايا الخمس يللي حيتمتع فيها نادينا (و نحن بنفس الوقت بنشجع و بندعم كل نوادي القراءة الموجودة ) :

1. القراءة المنتظمة: كم مرّة وقفت وأنت محتار بمكتبتك او بالمكتبة العامة محتار تختار الكتاب التالي؟ إذا كان جوابك أنو صار معك هيك أكثر من مرّة، فهاد بيعني أنو نادي القراءة تأسس من أجلك. فالانضمام حيعني مطالعات منتظمة للكتب بكل أنواعها، وبيعني أنك حتلاقي دايماً قصص جديدة ممتعة و روايات و كتب تندمج فيها باي وقت بتجيك في الرغبة في القراءة.

2. مجتمع مولَع بالقراءة: رح تبني صداقات مع أشخاص في العالم قاطبة يعشقون القراءة ويتباحثون في أنواع الكتب. نادينا رح يجمع هالقرّاء النهمين على اختلاف أعمارهم وخلفياتهم و طرق تفكيرهم. رح تشارك في مناقشة مواضيع ساخنة، و رح تجادل من تفضّل من المؤلفين و رح تستخدم المساحة يللي حيتيحها النادي على الإنترنت في إطلاع القرّاء الآخرين على الفقرات التي أضحكتك والفقرات التي أبكتك و ممكن هالنادي يساعدك على كتابة كتابك الخاص.

3. عناوين كتب ومراجعات مميَّزة: إذا كنت أيضاً بتلاقي صعوبة في استعراض العدد الكبير من مراجعات الكتب وقوائم المطالعة والتوصيات على الإنترنت، فببساطة فيك تسأل زملاءك في نادي القراءة.. رح يصير عنا خبراء فيك تثق برايون و يمكن انت واحد منون.

4. وسيلة رائعة لمتابعة آخر ما صدر من الكتب الأكثر مبيعاً وبناء صداقات جديدة.

ينبغي أن نشير إلى أن أندية الكتب الرائعة لا تبدأ بين عشية أو ضحاها وهي ستتطور مع التغيرات التي تطرأ على حياة أعضائها. بس بالنهاية رح تبني في بعض الصداقات الدائمة و رح يوصل نادينا للمستوى المطلوب بفضل اعضاءه المميزين.

5. حيكون عنا لقاءات مستمرة ضمن هالايفنت و حتى ممكن نلتقي خارج العالم الافتراضي لمناقشة الكتب و حتى القواعد أو المعايير يللي حنلتزم فيا ضمن النادي.

طريقة الانضمام : سهلة كتير..
مطلوب من كل عضو محتمل اقتراح كتابين. و حيكون في جلسة تعارف ضمن الايفنت لنجاوب كلياتنا على الأسئلة التالية :

1. لماذا ترغب في الانضمام إلى نادٍ للقراءة وما الذي تتوقعه منه؟
2. ما هي أنواع الكتب التي ترغب في قراءتها؟
3. متى ينبغي أن نلتقي؟
4. هل يمكن تعديل البرنامج؟ لماذا؟ وما هي الأسباب التي تدعو إلى التعديل؟
5. ما هي مسؤوليات كل عضو؟ وهل في استطاعتي المشاركة في اللقاء وإن لم أفرغ من قراءة الكتاب؟
6. أين سنلتقي؟
7. من سيرأس جلسات مناقشة الكتب؟ وهل ينبغي لنا تعيين رئيس دائم؟
8. ماذا لو أراد شخص ما أن يحلّ ضيفاً على النادي أو ينال عضويته؟
9. كيف سنختار الكتب التي ننوي مطالعتها؟
10. من الذي سيتابع سجلات ما قرأناه وكيف سيقوم بذلك؟

بعد ما يثبت عدد الاعضاء بالنادي ممكن كل فترة نستدعي اعضاء جدد خاصة اذا في اعضاء قدامى تقاعسو او انسحبو..

متل اي نشاط تاني احد قوانينا هي الابتعاد عن الحديث في السياسة او الدين .. العالم مليان كتب و مواضيع رائعة للبحث و القراءة ..

حيكون في هدايا عبارة عن كتب و ابحاث ورقية مجانية لكل اعضاء النادي الفاعلين و كمان حيكون في مكتبة الكترونية ضخمة.

التاريخ الموجود على الايفنت هو تاريخ وهمي و الايفنت حيضل مستمر و بعدا حيتحول لغروب مغلق بيحوي الاعضاء الدائمين فقط.

اخيرا بس بدي رحب بعشاق القراءة .. بانتظاركون لنبدى


Past Events

FREE medical references

01 Sep 09:00 01 Sep 09:00 - Damascus Damascus
Medical Training Medical Training
تحميل عدد هائل يوميا من المراجع الطبية الهامة في جميع الاختصاصات و بشكل مجاني اضافة أى أهم الأبحاث السريرية و المقالات الأحدث في عالم الطب...   More info

Mona's English Club

02 Sep 20:00 02 Sep 20:00 - Damascus Damascus
Medical Training Medical Training
Mona's English Speaking club (which also contains an English conversation circle) is one of the best ways to improve Spoken English. Our clubs will allow English language...   More info


© 2018 Siguez